خالد(ن) حبهم .

متى تكملة الباررت بليييز لاتتاااخريين

تحمسسست، عادي تقدمين الموعد لباجر؟

شو توقعاتكم للبارت الثاني ؟

تأخرتي يا طويلة العمر، حلمت فيها وانا انتظر.

اليوم ان شاء الله

السلام عليكم

اعتذر لكم عن التاخير ماكان بيدي امتحانات و ظروف


تفضلو البارت الثاني و الاخير

خالد و البنت كانو ف حالة جموود من الصدمه البنت ركضت ع البيت و اهل القريه بدو يرمسون لكن ما وصلو الكلاام لأهل البنت لين ما عرف عبدالله (ابوها) بالصدفه و لما رجع البيت كان بيضرب البنت بس امها وقفت بينهم و كانت تعرف ابو البنت طيب لكن احياناً الشيطان يتحكم ف تصرفات الشخص
اما عن خالد ف ابوه عاتبه و  كان يحبس نفسه ف غرفته لين قرر ابوه انه يسفره برع الديره يكمل دراسته و يبعده عن القريه و كلام الناس راح خالد غصبن عنه لكنه حاط ف باله بيخلص دراسته و بيرجع لحبيبته وفعلاً راح و درس ورجع بعدها بــثلااث سنوات لكن الي خيب ظنه انه ما لقاهم سأل واحد من القريه وقاله انه بسبت الحرب الي صارت بين القريتين بعض الاهالي طلعو من القريه و اهل البنت وحده منهم و ماندري وين راحوا
حس خالد انه ماراح يشوفها ابد تحطم و لام اهله ع الي صار و بدا يشغل نفسه وطلع من القريه و سار للمدينه  وبدا يشتغل و يلهي نفسه ف الشغل و دخل الانتخابات و في فترة الانتخابات وصلت له اخبار انه امه  و ابوه ماتو ف حادث ف انسحب من كل شي و تم روحه متحطم و ماله مكان و لاا اصحاب معنه كان له  اكثر من صاحب بس كان غافل عنهم و عن محاولاتهم في مساعدته كان منعزل عن العالم كله لين ما قومه ربيعه فارس بالقوا و وداه معاه الكوفي يغيرون جو حال خالد كان مثل حاله وهو ف غرفته ساكت عيونه ع الطاوله وما يتحرك
فارس: خالد بسك عاد لين متى بتم جي ما تسوى عليك حبيتها
رفع خالد راسه مانطق بحرف فجأه فارس لحظ الصدمه بعيون خالد
فارس: خالد بلاك ؟
خالد:.............
فارس: خاالد رد علي شو فيك
فجأه وقف خالد و وقف وراه فارس حاول يمسكه كان متجه لطاولة بنات فارس طار عقله توقع انه بيسوي شي مينون لين ما وقف يدام وحده
خالد: انتي صح انتي هي صح دخيلج كوني هي انا خالد قولي انج بنت عبدالله
البنت (مصدومه): خاالد
خالد: هيه انا خالد انتي بنت عبدالله صح
البنت : هيه انا بنت عبدالله
البنات مستغربات فارس مباشرةً ابتسم و بدون ما يحس صفق و خالد خذ عنوان البنت و رد دخل الانتخابات و فاز ف الانتخابات و ردت له الحياه و عقبها بفترة راح تقدم للبنت و ابوها وافق و عقبها عاشو ويا بعض صارت مشاكل خفيفه لكنهم كانو معا بعض يساعدون بعض و صار عندهم عيال حلوين مثلكم و
قاطع خالد صوت زوجته من غرفة الطعام
شمايل(زوجته): يلا تعالو عشا
خالد: يلاا قمنا
سارو يتعشون سوالف ضحك لكن شخص من الموجودين كان هادي و استغرب الكل من هالشي
شمايل: يمه حصه شفيج..؟
حصه: يمه انتي اسمج شمايل عبدالله
شمايل: هيه يمه ليش شو صاير
خالد صحك لانها عرفت
حصه(بأعلى صوتها): عرفت عرفت ابوي كان يقول قصته هو و امي عرفت اسم البنت شمايل
راشد : صح احيدك قلتلي انك درست برع
ريم: كشخه حلوه قصتكم ..^^

ياا ربييي مقدرر، مرااا كيووت الله يحفظهم
نبي قصه يديدة لو صمحتي

ان شاء الله حالياً مضغوطه لكن باقرب وقت