توأم لكن ...

توني طالع من الحمام مااخذلي شور وبدلت بسرعه تعطرة ورتبت شعري وطلعت من الغرفه وانا طالع تصادفت ويا اختي الي وااااايد احبها ..
فارس: صباح الخير
نوره:صباح النور
فارس: منو بيوصلج
نوره: منو يعني غير الدريول
فارس: انا بوصلج اليوم شو رايج
نوره(تشققت): والله  صج
فارس: ليش كم نوره عني انا
خلود: احم احم .. ترى حتى انا هني(برطمة)
فارس: هههه ... زين ويعني
خلود (بحزن):خلاص ماشي عن اذنكم

ونزلت حسيت بالحزن حرام دوم اظلمها واحط فروقات بينها وبين نوره بس انا احب نوره اكثر يمكن لانها من ابوي( شو اقول انا هذا و انا اعرف السالفه مينون انا ..جذبنا الجذبه و صدقناها .. استغفر الله )

فارس..22سنه مدير شركه وااسعه
فهد..21سنه عنده شركه خاصه فيه
نوره و خلود توأم 18 سنه في نهاية الدراسه
نزلت خلود مكسورة الخاطر وهي حاقده ع امها لانها هي السبب ف ها الشي هي الي خلت ااخوانها يكرهونها وهي طالعة عسب تركب السياره جافت امها ف الحديقه تتريق ما راحتلها وركبة السياره ع طول وتحركة السياره وهي ترمس ف فونها ويا ربيعاتها الي تعزها واايد ويمكن هي الوحيده الي تفهمها ف ها العالم بوسعه

فارس:-
فارس:يلا نوره انزلي ترى والله  اغير راي وااوديج المدرسه
نوره: يايه تريا شويه
نزلت من السيارة بعد عناء من فارس وحنة
فارس:سايره عرس الله م بتتريقين
نوره: لو جافني حد من المدرسه وانا جي قفطه
فارس:ههه..طوفي طوفي الله  يخليج
راحو تريقو ويلسو ف الكوفي يسولفون

خلود :-

خلود: ها شو سويتي عرفتي تحلين
ليلى: لا والله  صعب
خلود: اف شو هاي الابله بس ترمس و ترمس ويوم نبا نسأل اتقول لا تقاطعوني
ليلى: اف والله  

ورن الجرس رحم حالهم وعقولهم عن تنفجر طلعو من الصف قبل الابله و يلسو جدام صفهم
يسولفون ويضحكون لين ما دق الجرس وخلصت الخمس دقاايق وهم ف الحصه الاخيره الابله تشرح ليلى منتبها وخلود راقده يعني مثل دووم ف ها الماده ترقد وليلى توعيها قبل ما تخلص الحصه بشويه ودق الجرس و شلو شنطهم واغراضهم وراحو صوب الباص ركبت ربيعتها باصها وعقب راحت هي صوب باصها

البيت:-

طبعا نوره دومها وااصله قبل خلود لانه فارس يمرها من الدوام راحت نوره صوب المطبخ
نوره:عمو حطو الغدا اف يوعانه شو ها
فاطمة(مرت ابوها):  بنزهبه على ماتي خلود
نوره: اف هاي بعد مو لازم ترد ويا الباص

كانت خلود واقفه عند باب المطبخ يايه تبشر امها بدرجاتها الحلوه بس كلهم اختها كسرها وتراجعت وركضت الحجره وهي تصيح وهي راكبه الدري دعمة فارس كانت بطيح ع ورا بس فارس مسكها رفعة راسها عسب تعرف منو ها وعقب ركضت حجرتها وفاارس ما يعرف سبب صياحها وخلود دخلت حجرتها وقفلت الباب كتبت رساله وراحت كسرت اجرب مزهريه عندها الي تحت كلهم سمعو الصوت وركضو فوق اجرب وااحد كان فارس لانه كان توه ف نهاية الدري وصل قبل الكل وحصل الرساله جدام باب حجرتها مسكها وقراها انصعق لما قرها وتم يدق الباب بالقو ويحاول يكسر القفل لكن مافي فاايده وصلت فاطمه ونوره
نوره: فارس شو السالفه
فر ف ويها الرساله نوره ماعرفت شو تقرا او كيف تقرا
الرساله:-
انا اليوم بخليكم ترتاحون مني و ما بخلي ابوكم يصرف عليه ب اي شي ولا بخليكم تنطروني ع الغدا او العشا واانا اكتبلكم هاي الرساله عسب اذا سألتكم الشرطه تراونهم اياها اسفه ع ازعاج
شكراً ع الاستضافه الحلوه
خلود ..

فارس: عمو ايبي مفتاح الاسبير بسررررعه يلا
وركضة فاطمه حجرتها ويابت الاسبير فتح فارس الباب مالقاها راح الحمام ما حصلها لين ما سمع صراخ نووره رااحلهم وجاف خلود مسانده ف البلكونه وايدها كلها دم وتتنفس بصعوبه شلها بسرعه ووداها المستشفى دخلوها العمليه يلسو يتريون الدكتور بس الدكتور ما طول داخل
فارس: ها دكتور شو صحتها
الدكتور: هي بخير بس خسرة دم واايد يمكن يصيرلها فقر دم
فارس: مشكور دكتور
الدكتور: العفو .. ممكن اتي معاي
راح فارس ونوره يالسه ف مكانها وشويه وبترقد
نوره: اف هاي بعد ما عرفت تنتحر الا الحين
فاطمه: استغفري ربج هاي اختج
نوره: استغفر الله  
فاطمه: اذا تبين ردي البيت الحين برمس الدريول يمر عليج
نوره: ما يحتاي انا بتصل ف الدريول
فاطمه: روحي انتي انا بتم عندها  
اول ما صدت نوره حصلت ذاك الكف الي خلاااها تنسا الي كانت بتسويه
نوره: تصفعني يافارس ..!
فارس: نوره بلعي لساانج وانجلعي البيت كل الي صار بسبتج انتي ولساانج الوصخ
نوره: انا شو سويتلكم
وراااحت اتصلت للدريول مرها وراحت البيت وصلت البيت راحت حجرتها وهي تصيح اتصلت ف ربيعتها
نوره: الووو
ساره: هلا نوااري
نوره: شخبارج ..؟
ساره: انا بخير .. بس انتي شكلج مو بخير .. شو فيج.؟
نوره: اف هاي خلودو حاولت تنتحر اليوم
ساره: حلفي
نوره: والله  
ساره: نوره نوره برمسج عقب باي باي
وصكت ف ويها ..نوره ما عرفت شو تسوي ف قررت تنزل لصالة الرياضه بدلت لبسها بلبس الرياضه ونزلت اول شي ومثل العاده راحت ع المشايه ويلست تدريجياً تزيد السرعه لين ما تعبت و عقب سمعت صوت طلعت من الصاله وهي حاطة الفوطه ع رقبتها وجافت فارس يساعد خلود انها تركب الدري بس خلود ادزه
خلود: ليش وديتوني المستشفى ليش(علت صوتها ) ليــــش (لفت ع امها)ليش يبتيني ليش ما كان شي ضرووري اني اي ليش ليش
فارس: خلود قومي مو وقت ها الكلهم قومي روحي ارتااحي
خلود: وخر عني ما ابا حد يلمسني ما ابا مابا روحو عني انت ماتباني ونووره ما تحبني ليش اتم ليش ليش فهموني ليش
ويلست اتصيح فارس حاول يوديها فوق لكنها رفضة وتمت تصارخ لين ما حست بتعب وطاحت عليهم شلها فارس ووداها حجرتها تم يصفعها بالخفيف عسب تنش لين ما فتحت عيونها وردة غمضتهم طلع فارس بس خلااا الباب مفتوح شويه وهو نازل جاف نوره راكبه ما سوالها سالفة ونزل راح المطبخ عند فاطمه
فارس: عمو حبيبتي ارتاحي بروح ايبلكم غدا من برع
فاطمه: لا يمه انا مسويه غدا الحين بنجبلكم بس روح ازقر نوره
فارس: مو لازم لو يوعانه بتنزل
فاطمه: لا يمه شو ها الكلهم روح ازقرها
فارس: ان شاء الله
راح فارس دق باب حجرتها ونزل بس وقف ف نص الدري ورجع قال انه بيقوم خلود بعد عسب تاخذ دوااها فتح الباب شوي شوي ماحصلها ف سريرها حصل ليت الحمام مفتوح راح جافها كانت ميوده المشرط ع رقبتها وهي تصيح و حقد الدنيا ف عينها مسكها من ايدها
فارس: خلود ليش جي تسوين
خلود: فارس الله  يخليك لا تمثلي دور الاخو الطيب انا مو اختك امي غير تفهم شو يعني غير يعني انا مو  اختك
فارس: شو ها الكلهم انتي اختي لو اتكونين مو من امي وابوي بعد ما يهمني انتي اختي
خلود(ضحكة بستهزاء):اختك انا صحصح ترى انا خلود مو نوره شو شارب شي
فارس: لا مو شارب شي انتي اختي خلوود
خلود: فارس روح خلني اخلص الي بديته
فارس: شو اروح واخليج تكملين شو الي بديتيه ليش انتي جي بتحلين مشكلتج
خلود(بنفعال): هيه بحلها برتاح وبريحكم ورااي

سحبت المشرط من الارض وحطته ع رقبته كانت بتكمل الا انه فارس مسك ايدها سحبتة ايدها ف المشرط قطع كف فارس سحب فارس منها المشرط وسحب ايدها وداها تحت وراح صوب فاطمه وقعدها ع طاولة الطعام
فاطمه: خلود رقبتج
انتبه فارس: اويه صج طلع دم اسف كله مني
فاطمه: ليش شو مستوي
فارس(ابتسم):بنتج كانت تتغلا ما تبا تتغدا كنت ابا امسكها ف بالغلط شمخت رقبتها
خلود: لا تجذب وااايد
حس فارس بحجه ف ايده يوم نزل عينه وجااف البحر الي صار ف ايده من الدم استأذن وراح ودشت نوره يلست حذا خلود خلود صدت عينها وتمت تمسح ع ذراعها اليسار بس حست اب بلل شهقت يوم جافت الدم ع ذراعها وركضت ورا فارس وراحت غرفته ومثل ما توقعت كان ف الحمام يغسل ايده
خلود: فارس لا تغسلها اطلع بسرعه
فارس: زين زين
طلع فارس و خلود كانت مجهزه المطهر ولف الايد ويلست اطهر ايد فارس ولفته باللف وعقبها نزلو فارس كان يقول نكت وخلود ناقعه من الضحك يوم وصلو غرفة الطعام يلسة خلود صوب امها ويلسو ياكلون الكل كان يسولف ماعدا نوره
فارس: شو رايكم نروح البحر
نوره: بتاخذوني
فارس: لو تبين تعالي
خلود: انا فخااطري الصراحه
فارس: اامايه تعالي وياانا
صدت فاطمة وهي مو مصدقه واخيرا فارس نطق بها : ان شاء الله انا وياكم
فجأه استأذنة خلود وكنها غصة ..رااحت غرفتها تمت تحااول تكتم الكحه لكنها ما ترووم ومعا كل كحه تنزف دم حاولة تكتمها لكنها ما قدرة وزااد عليها وف ها اللحظه كانت نوره تبا تروح حجرتها لكنها يوم سمعة خلود تكح بهاي الطريقة خافت فتحت الباب شوي شوي مشت خطوتين وجافت خلود طايحه ف الزاويه وتكح وايدها كلها دم ركضت عندها
نوره: خلود خلود شو فيج خلووود
دزتها خلود: مافيني شي روحي كملي غدا ..كح كح
زااد عليها وف لحظه حست روحها بتطلع نوره ارتبكت ما عرفت شو تسوي نشت كانت تبا تخبر فارس لكن خلود زخت ايدها واشرة ع الدرج راحت تركض فتحته حصلت علبة دوا شلته و طلعتلها ماي من الثلاجه وبسرعه عطتها بعد ما شربة خلود الماي يلست تكح لكن بشكل خفيف
نوره(والدموع ف عينها): انتي بخير .. شو فيج
خلود: شكرا .. و لاتخبرين حد
نوره: انتي ليش جي ليش تخوفينا عليج ليش.. انتي مو ياهل الحين
خلود: نوره لا تسوين عمرج خايفه عليه انا اكثر وحده اعرف انج ما تحبيني
نوره(تصيح): خلوود ليش انتي ماخذه عني هاي الفكره انا احبكم كلكم ليش انتي جي
خلود: يمكن تحبين فارس وفهد لكن انا متأكده انج تبين مووتي والحين بعد
نوره: لا ياخلود انا احبج اكثر عنهم بس انقهر منج ساعات
خلود: انتي ما تحبيني لا انتي ولا فارس حتى فهد الي هو من امي وابوي ما يحبني
نوره(تصيح): لو ما نحبج كنا بنخاف عليج كنا بنهتم اذا ياتي ولا لاااء لو ما كنت احبج كنت الحين يالسه ويااج وارمسج واسألج انتي بخير ولا لالاء
شلت عمرها وطلعت وهي تصيح دشت غرفتها ورقعت باب الغرفه ورااها
اما خلود حست ولأول مره ف حياتها ان نوره تحبها ومهتمه فيها
خلود: اف ان شاء الله   ما تخبر حد ..><
نشت خلود وتسبحت ورااحت عند نوره دقت الباب محد فتحلها فتحت الباب شوي شوي دخلت لقت نوره راقده بدون لحاف والحجره باااارده تجدمت منها وجافت شفايف نوره زرقه من البرد خفت ع المكيف ولحفتها نشت نوره يوم حست فيها
نوره:..........
خلود: اسفه نوره بس كنت معصبه
نوره: انا اسفه لاني بينتلج  اني ما احبج بس انا احبج
خلود: ماعليه مو وقت ها الكلهم انا يايه اعتذر واترجاج انج ما تخبرين حد عن الي شفتيه
نوره: بس ليش تخشين ها الشي
خلود: يمكن انتي ما تعرفين بس انا ما ابا حد يحمل همي.. والاسبوع الياي الكل بيعرف
نوره: زين ليش مو الحين
خلود: كل شي ف وقته حلو
نوره: فهد ما يعرف ....
خلود: محد يعرف غيرج وانا اثق فيج ما ابا حد يعرف لانه يوم السبت بيعرفون
نوره: يوم السبت ف العزبه بتخبرينهم
خلود: لا ...(وبتسمة بألم وهدت اختها ف حيرتها وطلعت )

فهد:-

فهد: احمد جوف هاي الاورااق اقراها عدل بتحصل شي بينفعنا واااايد
احمد (وهو يقرا بتمع مره وحده الابساامه شقت حلجه):فهوود تعال جووف اذا اتفقنا ويا هاي الشركه بنحصل مردود كبير منهم
نقز عليه فهد وهو يحاول يفهم كيف هاي بتصير بس هو وااثق من ولد عمه انه ذكي وامين.. وشويه و جاف احمد سرحان
فهد: احم وين وصلت اخوي
احمد:فهوود ما بتردون عندنا
فهد: اكيد لا لانه عليه مسؤولية البيت بعد ابوي الله  يرحمه
احمد: الله  يرحمه
فهد: مفتقد حد
احمد(رفع راسه): سو عمرك ما تعرف
فهد:ههههه .. بعد الي كنا نسوي فيها تتوقع بترضا فيك مينون انت
احمد: الي يحب يضر الي يحبه ..^^
فهد: هذا عندك مو عند نوره
احمد: زين كلكم كنتو عندنا و مستانسين حتى مرت ابوك كانت مرتاحه ردو
فهد: خواتي كبرو يااحمد
احمد: اف هايله بعد لازم يكبروون
فهد: ههههه... لا انت شو رايك
احمد: ويا راسك.(ودزه من جتفه)
طلعو من الشركه ع البيت فهد عزم احمد ع الغدا وبحكم القرابه يتغدون ويا بعض مثل ما تعودو شل فهد فونه عسب يخبر عمته
فهد: هلااا والله  هلا بنواااري
صد احمد و فهد ضحك عليه
فهد: اقول حبيبتي خبري اماايه انه احمد بيتغدا عندنا .... جب ايه شو ها الكلهم استحي ع ويهج .... ما تبين تغدي ف حجرتج .... الله  واكبر ع مكرج ...يلا يلا روحي خبري اماايه وعن المنكر ... يلا بااي
احمد: اكيد قالت ما بتتغدا وياانا صح..؟
فهد: لا قالت خله يتغدا ويا الحـــارس...(وهو يقلدها )
احمد(بوز): عاده الحارس لو روحي هانت ويا الحارس الله  يساامحها
فهد(ضحك ع شكله جنه ياهل):هههههه.. ماعليه ان شاء الله بتتغدا وياانا لا تخااف الحارس يرقد ذيج الحزه
ضربه احمد ع جتفه وهم يضحكون احمد وفهد ويا بعض من الصغر رغم فرق السن الي من بينهم احمد عمره 20 ودر المدرسه لانه كان يحس عمره اذكى من انه يدرس ودخل ويا فهد وبذكاء احمد وثقة فهد فتحولهم شركه وطوروها لحد الشهره ومثل ما كان يقوول حمد (ف حياتي ماجفت شركه فيها مديرين ونااجحه ما شاء الله   عليكم الله  يديم التفاهم من بينكم )
وصلو البيت نزل احمد قبل فهد متحمس الاخ هههه بس تريا فهد يتجدمه ويسويله درب مثل العاده نوره يالسه ف الصاله يالسه ع الاب وتشووف افلامها الكوريا عدلت بيلستها وعقبها دخل احمد



ان شاء الله اكمل لكم البارت الثاني على حسب حماسكم  و ردودكم

يا ربييييي مررررة اندمجتتت، لا تسحبين علينا واايد

Leena كتب:يا ربييييي مررررة اندمجتتت، لا تسحبين علينا واايد

مشكوره على مرورج ياقلبي اليوم ان شاء الله انزل بارت

البارت الثاني

احمد: سلام عليكم
نوره:.............
فهد كان وااقف عندها دزها بالخفيف رفعت رااسها عقب طلعت السماعات من اذنها
احمد: سلااااام عليكم ...
نوره: وعليكم السلام
احمد: زين سمعتي بعد
نوره(وهي تحط السماعه ف اذنها) : احب اندمج ف احط السمااعه عسب ما اسمع الغث الي حوليه
عطاها ذيج النظره الي خلها تشوف جداامها وهي سااكته كانت نوره يالسه تحت ف نص الصاله واحمد قعد ع الغنفه وراها بس مو بالضبط لانه كان فيه فضول يبا يعرف شو الي تشوفه مثل ما تعودو يالسه تشوف فلم كوري بس شكله فلم اكشن او شي جي السالفه كانت تتعلق بجريمه بس شكلها تخاف لانه كل ما كانو يعرضون طريقة الطعن كانت اطوفه ضحك احمد بالخفيف عقب نزله فهد
فهد: قم ايه رووح حجرتي وبدل اليوم انت عندنا لين باجر
احمد: نعم وين تبا شو لين بااجر
فهد(اشر ع نوره):بتم ولا لااء
احمد:هيه هيه بتم اف منك تعرف تغري الواااحد
فهد: محد قاالك تحــ و لا اقول مو لازم اقول ...هاهاهاهاهاهاها
احمد: ومن الحب ما ذل
فهد: احيدها قتل
احمد: لا هو من الذل الواحد يموت
فهد:ههههههههه.. حمدالله  ماجربت

راح احمد وبدل ويووم نزل جافها مندمجه بس ها المره خلود كانت قاعده ويااها مره وحده نوره صرخه
نوره: واااااااااااااااااااااااااااااااااع الله  يلوع بجبدج غيري مو لازم اتجوفينه اااخ
خلود: رووووووووووووووووعه اقول جووفي super junior نزلو البوم يديد طر
نوره: شو اسم الالبوم
خلود: sorry sorry
نوره تعاابل ف يوتيووب :حصلت ها هو
خلود: هيه
نوره(كبرت الصفحه) :عطيني السمااعه انتي لا تسمين بس جوفي
خلود: لا والله  طلعي السمااعه
نوره (تصد صوب احمد): تسمع اغااني عادي
احمد: لا ما اسمع
نوره: سير الميلس
احمد: عايبتني اليلسه هني
خلود: احمدو يلا عاد طول عمرك صاايع اليوم يعني ما قمت تسمع اغااني
احمد:ههههه.. شو اسوي يوم اختج هبله
نوره(معصبه):لانك غبي ..><
شلت السمااعه ويلسو يجوفون وخلوود متحمسه تغني ورااهم واحمد مثل الطمه يالسه ولا فااهم شي
احمد: انتو شو تفهمون بس ابا اعرف
نوره:باااااااااكاااا (بالياباني:معناتها غبي ..^^)
خلود فطسة من الضحك واحمد حليله مايعرف شو السالفه
احمد: شوهاي  بعد
نوره: يعني انت شخص جيد
احمد:عيل انتي بعد باكا
هني عاد خلود مااتت دمعت من الضحك ونوره ويها انصبغ
احمد: عيل تتحريني غبي وما افهمها وهي طاايره الحين بالله  عليج من متى انتي تقووليلي مثل ها الكلام دوومج تسبيني
خلوود:خلاص حراام عليكم بمووت
نوره دزتها: جب جب انتي سباله
خلود: محد قاالج يعني ما تعرفين ان ربع عقول اليابانين ف مخ ولد عمج ..ما شاء الله   عليه
احمد: احم احم .. اشكر فنج  
خلود: ف الخدمه ياولد العم
زقرتهم فاطمه من غرفة الطعام وكلهم راحو بنسبه لأحمد كان احلى غدا يتمناه لانه تقرب من نوره وحس انه خلوود قريبه منهم غير عن العاده لانها دوم ساكته وانطوائيه
خلود: وين هديتي
فاطمه: وليش ان شاء الله ...؟
خلود: اوه صح نسيت ... لين الحين عندي 100 ف 3 موااد
فهد: ما شاء الله  عليج يباالج هديه .. وانتي نوره شو كم 100
نوره: طل ف ويهي انا وين والـ100 وين انا 90 ما صكيتها
احمد: شدي حيلج ما يباله شي
نوره: ها بنسبالك يابو مخ ياباني
فهد: خلاص بعزمكم ع ولاشي
نوره: طع وانا تحمست عبالي بيقول عشا بحر اسكريم مالت ع حظي
احمد: الحين لو خلود الي تتحرطم بنقول انتي ليش
نوره(برطمة): لاني مليت من قعدة البيت  
نقز عليهم فارس:بووو انا هني
فاطمه: وصل الكبير بو عقل صغير
فارس: اماايه اسويلكم جو
فهد: اسمنك خبله
فارس: ماعلينا سمعتكم تتناقشون وانا عندي راااي
احمد: بلبل اجووف شو عندك
فارس: ويا رااسك ... شو رايكم نرووح البر يومين
نوره: نعم .. وين قلت
فارس: البــــــــــــــــــــــــــــــــــــــــــــــــر
نوره: البر .. مالت عليك وع راايك روح روح رد من المكان الي يت منه
فارس: خلاص انتي تمي هني ويا الحارس والدريول و البشااكير
نوره: لالا خلاص بي بس ترووحون شاليه
احمد: لا شو شاليه بر بر احلى
خلود: ياسلام هناك وين في  عقارب وثعابين
نوره: شو في عقارب وثعابين .. وااي ماما
فاطمه: يقصون عليج وين هني في شي
فهد: حلو شورك بس بنروح يمعه وسبت
خلود: لالالالا انا يوم السبت لازم اكون عند ربيعتي عندنا مشرووع لازم نخلصه حق يوم الاحد
نوره(فهمت عليها):حتى اانا ابا ارووح ويا خلوود
خلود صدت عليها وردة تشوفهم : خذو اجاازه ولا ليش عطو عمااركم اجاازه
فهد: والمداارس
نوره: صبااااح الخير تقولك 3 مواد 100 يعني اجاازه ويووم الخميس الشهايد
فهد: عيل بااجر بنرووح
فاطمه: احمد يمه خبر خوااتك يمكن يحبون ايوون
احمد: صاار ان شاء الله  بردلكم الخبر
فهد: اماايه تراا اليوم ها(يأشر ع احمد)بيرقد عندنا
فاطمه: والله   حياه الله  كلهم بصووب و الشيخ احمد بصووب
احمد فرح لانه كسب مرت عمه ولي تكون ام نوره
نوره: ماماتي
فاطمه: امري حبيبتي
نوره: ليش تحبين احمدو اكثر من الباقين
فهد ماات من الضحك ع شكل احمد الي صار كبر النمله وفاارس ما يعرف شو السالفه بس ضحك
فاطمه: لانه شيخ
نوره: وانا
احمد: انتي البشكااره
الكل نقع من الضحك حتى نوره الي كانت معصبه ضحكت
نوره: ماما جووفي يحط عليه
احمد: عيل انا مو تاارس عينج ..(يقلد صوتها) ماماتي ليش تحبين احمدو اكثر من البااقين
نوره: زعلت
فارس: كله ولا نووره ما ارضا عليه (كتم ضحكته) هي صح بشكاره بس تضل اختي
خلود: ايه ما ارضا كلكم بصووب ونوااري بصووب
فهد: يلعن ام الحب

تمو يسوولفون واكثر السوالف احمد ونووره الي كانو يحطون ع بعض لين ما خلصو الغدا وبعدها كلهم راحو الصاله ماعدا خلود نوره يلست شوي وعقب راحت ورا خلود دقت الباب
خلود: دخلي
نوره(فتحت الباب):كيف عرفتيني
خلود: اعرف افرق بين دقت البنات والشباب
نوره: خذتي دوااج
خلود: هيه
نوره: خلود تعالي ننزل تحت
خلود: ما احب
نوره: زين عشان خااطري نزلي وغيري جوج
خلود : خلاص بي
و نزلو اثنينتهم ويلسو ويااهم كان الكل موجود وهاي اول مره العايله هاي تجتمع والفضل يرجع لأحمد لان سوالفه ما كانت تخلي الوااحد يودر المكان
فهد: اقوول شو رايكم نلعب سوني تحدي بينا وبين البناات
نوره: ماماتي بتلعب ويااانا
فاطمه: لا يمه كبرنا ع هاي السوالف
خلود: لا والله  قبل ما كنتي تقولين كبرت
احمد: اكيد خالو خاايفه نغلبها
فاطمه: افاا وانا بنت امي وابوي بلعب خلاص
فارس : يلا بنلعب ضرابه
يلسو الشباب يركبون الواايرات وفهد كل دقيقه يخوفهم اونه تشوط .حطو اللعبه ف النهايه فازو البنات
احمد: اخ برووح انتحر بناات يغلبووني اخ اخ
نوره: واااااااااااااااا .. ما يعرفوون يلعبون
فهد: صدقك قوم قوم
رااحو وقفو فوق الغنفه
احمد: انت انتحر اول
فهد: لالا انت اول
فارس دزهم من ورا: انتحرو اثنينتكم
احمد و فهد طاحو ع الارض نااقعين من الضحك  صج اليوم بنسباالهم يوم ما ينسي  صار المغرب خلود راحت عند امها
خلود: ماماتي ابا اقص شعري
فاطمه: ليش يمه شعرج حلو وطويل
خلود: ما احب شعر الطويل يلعوزني (طلعت الصوره) بقص جي
فاطمه: لالا شو ها شعر ولد
خلود: ويعني انا بقوولها تسويه اطول شويه
فاطمه: ما بتندمين عقب
خلود: لااا
فاطمه: براايج عيل بس فهميها عدل مو تخرب ف شعرج
خلود: لااا
فاطمه: متى بترووحين
خلود: الحين عسب ارد بسرعه وارقد ..
فاطمه: زين خذي ويااج نوره لا ترووحين روحج
خلود: نوره بعد تبا تقص شعرها
فاطمه: خلاص عيل حااسبو ع عمااركم واذا اتصلت ردو لا تخلوني احااتيكم
خلود: يلا ماماتي ما بتأخر .. يلا باي
فاطمه: الله  يحفظكم

طلعت خلود ورااحت خبرت نوره انها تجهز بسرعه كانت الساعه 6 ..
خلود: نواري روحي قوولي حق فهد يوصلنا
نوره: لالالا بيطلعلي ولد عمج الاهبل
خلود: وانتي شعليج منه
نوره: خلاص برووح
طلعت نوره من الغرفه ورااحت دقت الباب محد رد ردت دقت الباب لين ما فتحو الباب رفعت راسها جاافته احمد وشكله كان يضحك جنه الا مفلووع بشي
نوره: سكنهم ف مسااكنهم
احمد: سااكنين ف مسااكنهم .. شعندج
نوره: يايه عند اخوي عندك مانع
فهد: ايه تعال اجوفك شردة
وليش ما ينفلع احمد ف رااسه بالمخده نوره نقعت من الضحك
فهد: وانا اقول مسولي طاف.. ها حبيبتي شو بغيتي
نوره: نبا نرووح الصالون و نخاف نروح ويا الدريول روااحنا
فهد: صالون ليش ..؟
نوره: ليش ما تعرف انه باجر عرس فهد
فهد: اي فهد
نوره: استهبل يلا بتودينا ولاا
فهد: ضرووري
نوره: واكثر من ضروري
احمد يتحرقص يبا يعرف شو بيوون ف الصالون : زين انتو شو بتسون لانه يمكن نتأخر عليكم
نوره: انت شعليك يوم بنتصل تعالو خذونا
فهد(بصوت وااطي):قفطووه ... زين زين يلا الحين بننزل

نزلت نوره وخلود يتريون الشيوخ ينزلون ويوم نزلو
خلود: الحين لو بنات بنقول بتعدلوون
احمد: لالا خلاص انا مابي اهاانوني
نوره: احسن توفر مكان يلا فهد بسرعه تأخرنا
احمد: لا بي عنااد
طلعو من البيت ولصالون وف الدرب كله ضراايب وتقرض فهد واحمد و احمد ونوره واما خلوود تتكلم ف الفون